Friday, March 29, 2013

روعة جمال نشازك



لو مديت اطرافك الاربعة للطل، لو صوت الزحمة و رعب السكات و الزعيق والصفير والهمهمة ميلوا جسمك، عملوا لك سولو ايقاعي تحت الاضواء، لو سجلتوا شريط، لو شفوتوا...قلبك القاسي لو حن ممكن يقف من الضحك على خطواتك الغبية، بس جوه مسامك انت و خلايها كل المعاني بتكمل.

لو خلقت من عينيك لمبات بتلون شوارع الضلمة...ممكن تلاقي رسمات سبها ولاد خافوا يقولوا انهم موجودين، خدشوا باقواس متنية رعب "انا كنت هنا بس لوني اتمسح". ممكن تفكر لمبات النور لو ضمت الوان و بطش و بقع او حتى "وحاشة" مش ممكن ايدك (لو بالغلط  بتمسح عرق تعب موجهودك) لو لمست ابتسامتك تعرفك قبولك لنشاز الوان ايديك هي الي طبعتها.
ممكن تمد ايدك ...بين اركان الحيطان تلاقي بواقي مزيكا، اصوات نشاز تمتع جواك ملل الكمال...بين معدات معتادة لليوم، ترتيبات مهدئة و الوان حتى لو ناصعة و فاقعة تناسقها هيخليها بهتانة، حتى لو خطواتك مش متزنة لكن رتمها اكيد هيخلق جواك ثبات متخدر.
ممكن لو سيبت ايدك ... بين مخدات الكنبة قبل ترتبها تلاقي قطع هدوم قديمة، خيوطها احتمال تسألك عن وقت فقدنها. تنسى  امتى نزلت من على جسمك و دخلت نفسها بين خيوط اكبر منها، و انت لوحدك غير ممتن و لا منتظر استياء حد تتناسها لعلى تقدملك اغراء لمغامرة. ثبات ايدك بيخنق فرصة جديدة من ذكرى لبس اختفى في ظروف كان ممكن يتخلق منها حلم.
لو صدقت ان الي عرفتوا غير الي شوفتوا غيرالي لمستوا بس كلهم ملك انت، خناقتهم جواك، وراء غطيان علب المسكنات الي لغت احساس حوافرك، ممكن تخاف رجليك مش هتشيلك من كتر تنميل خيوط اعصابك ، لو كل وصلة قطعت عن بعضها...ممكن تترعب، تتكسر او تتنشر اطرافك بين الاركان...
اركان ملكك... خوفك من عنكبوت معشش فيها مش حقيقي، لو مسكت رموشك و شديت جفونك تعرف العنكبوت الي انت خايف منه، مسكين هو بواقي وجودك، بلاش تسيبوا يتشوه بخوفك.
بلاش خوفك من نشاز اصلك، خوفك الي بيرسملك وهم كمال متلصم، يمحي اصل روعة جمال نشازك
ممكن تجرب تلمس احساسك...

No comments:

Post a Comment